Պացիենտի բժշկին դիմելու հիմնախնդիրներից է ցավը

Փետրվարի 21-ին «Էրեբունի պլազա»  բիզնես կենտրոնում տեղի ունեցավ «Գեդեոն Ռիխտեր» դեղագործական ընկերության՝ կլոր սեղանի շուրջ կազմակերպած կոնֆերանսը:  Թեման ցավի համախտանիշն էր. բուժումը, առաջարկվող դեղամիջոցները` որոնց շարքում ամենաարդյունավետ միջոցներից մեկը` Աէրտալը: 

Կլոր սեղանի շուրջ զրույցը վարեց  նյարդաբան,  կլինիկական նեյրոֆիզիոլոգ   բ ք թ.  Բելլա Գրիգորյանը,   ով   նաև մեզ պարզաբանումներ տվեց թեմային հարող մի քանի հարցերի վերաբերյալ:

–   Քննարկվող թեման ի՞նչ կտա բժշկին, ի՞նչ տեղ ունի հիմնահարցի լուծման խնդրում:

–   Այսօր քննարկելու ենք ցավի թերապիան ոչ ստերոիդ հակաբորբոքային դեղամիջոցների օգնությամբ, մասնավորապես, կխոսենք արդյունավետ ու ժամանակակից մեկ դեղամիջոցի շուրջ: Ցավային համախտանիշի բուժման համար առաջարկվում են բազմաթիվ դեղամիջոցներ, ուստի կարևորվում է բուժման ընթացքում դրանց համադրման խնդիրը: Սովորաբար պացիենտի բժշկին դիմելու հիմնախնդիրը ցավն է` գլխի, ոտքի, ստամոսքի, ականջի և այդպես շարունակ, ահա ինչու առաջնահերթ է` կարողանալ օգնել հիվանդին առաջին հերթին ազատվելու ցավից:  Ինչքան ցավը երկարում է, այնքան դժվարանում է ցավի դեմ պայքարի գործընթացը:

–   Որքանո՞վ է ցավի թերապիան հրատապ աշխարհում:

–   Թեմայի հրատապության մասին խոսում է այն հանգամանքը, որ ոչ ստերոիդային հակաբորբոքային դեղամիջոցներն ամենանշանակվող են ո′չ միայն Հայաստանում, այլև ամբողջ աշխարհում: Ամեն օր միլիոնավոր մարդիկ ընդունում են ցավազրկող դեղամիջոցներ, այդ իսկ պատճառով կարևորվում է նրանց ընդունման, կողմնակի ազդեցություններին, հակացուցումներին վերաբերող տեղեկատվությունը:

–   Ցավի թերապիայի հիմնախնդիրներին վերաբերող կա՞ն արդյոք միջազգային ծրագրեր:

–   Այո, իհարկե: Զրույցի ժամանակ ներկայացնելու եմ նաև միջազգային փորձն այս ասպարեզում: Այն օրինակելի է նաև մեզ համար:

Փետրվարի 21-ին «Էրեբունի պլազա»  բիզնես կենտրոնում տեղի ունեցավ «Գեդեոն Ռիխտեր» դեղագործական ընկերության՝ կլոր սեղանի շուրջ կազմակերպած կոնֆերանսը: Թեման ցավի համախտանիշն էր;

–   Ցավի թերապիայի այսօրվա լուծումները. որքանո՞վ է հաջողվում թեթևացնել այն:

–   Առաջին գծում հարկ է նշել հակաբորբոքային դեղամիջոցները, որոնք շատ արդյունավետ են ցավի համախտանիշի դեպքում: Ցավային համախտանիշից ազատվելու շատ այլ դեղամիջոցներ էլ կան` մկանային ռելաքսանտներ, հականեյրոպաթիկ  պրեպարատներ,  որոնք ուղղակիորեն են ազդում ցավի վրա: Ցավի թեթևացումը, վերացումը կախված է առաջացման պատճառից, անձից, և թե երբ է  օրգանիզմն առնչվում ցավին` հիվանդագին իրավիճակների սկզբու՞մ, թե՞ խրոնիզացման փուլում:

–   Կարելի՞ է այսօր խնդիրը լուծված համարել. եթե ոչ, դեռևս ի՞նչ անելիքներ ունի բժշկությունն այս ասպարեզում: 

–   Խնդիրը կարելի է մասամբ լուծված համարել: Բայց ցավային համախտանիշներն այնքան շատ են, որ բացարձակ լուծում ցավին չի կարող լինել. ամեն օր նորարարություններ են մտնում բուժական համակարգ, առաջարկվում ավելի կատարելագործված միջոցներ: Բժիշկները պետք է անընդհատ տեղեկացված լինեն այդ ամենին, ու կարողանան ավելի ադեքվատ միջոցներ ընտրել ցավային համախտանիշն արագ վերացնելու համար, քանի որ ցավն ունի քայքայիչ ազդեցություն:

–   Թեմային հարող որևէ վիճակագրություն կա՞. եթե այո, ինչպիսին է:

–   Միայն կարող եմ ասել, որ առաջնային օղակի բուժհաստատություներին` պոլիկլինիկաներին, դիմող հիվանդների 10-15%-ը սուր ցավային համախտանիշով հիվանդներն են: Սա արդեն մեծ ցուցանիշ է:

Կլոր սեղանի շուրջ թեման ցավի համախտանիշն էր. բուժումը, առաջարկվող դեղամիջոցները` որոնց շարքում ամենաարդյունավետ միջոցներից մեկը` Աէրտալը։

–   Խնդրում եմ տալ մի քանի հնարավոր դեղատոմսեր` ավանդական կամ ոչ ավանդական, որոնք կարող են թեթևացնել ցավն ամենահաճախ հանդիպող պատճառների դեպքում` մինչ բժշկին դիմելը, օրինակ. սուր գլախացավ, ատամնացավ, վնասվածքային, որովայնային, դաշտանային ցավեր:

–   Եթե ցավերն այնքան ուժեղ են, որ անհնար է դիմանալ մինչ բժշկին դիմելը, ապա կարելի է օգտագործել սովորական ցավազրկողներ` ոչ ստերոիդ հակաբորբոքային դեղամիջոցներ, որոնք  կարելի է գնել առանց բժշկի դեղատոմսի: Իսկ այլ քայլեր ձեռնարկել խորհուրդ չի տրվում, պետք է անպայման դիմել բժշկի: Անգամ սովորական ցավազրկողները կարող են օրգանիզմի վրա թողնել ոչ միայն իրենց հիմնական, այլև կողմնակի ազդեցություններ, այնպես որ, բժշկին դիմելն անխուսափելի է:

«Գեդեոն Ռիխտեր» ԲԲԸ դեղագործական ընկերության առաջարկած լուծումների մասին խոսեցինք ընկերության մենեջեր Սուսաննա  Հովհաննիսյանի հետ:

«Գեդեոն Ռիխտեր» ԲԲԸ դեղագործական ընկերության մենեջեր Սուսաննա  Հովհաննիսյան	«Գեդեոն Ռիխտեր» ԲԲԸ դեղագործական ընկերության ներկայացուցիչ Հերմինե  Գասպարյան

–   Հատկապես ինչո՞վ է առանձնանում Աէրտալ դեղամիջոցը:

–   Հաշվի առնելով, որ դեղագործական շուկան մշտապես համալրվում է, ու իրականում կա նոր ու կատարելագործված դեղամիջոցների պահանջարկ` հնարավորինս քիչ կողմնակի ազդեցություններով ու նվազագույն հակացուցումներով, այսօր ներկայացնում ենք «Գեդեոն Ռիխտեր» ընկերության արտադրության նոր դեղամիջոցներից`  Աէրտալը, որը բորբոքային խնդիրների դեպքում ապահովում  է բարձր արդյունավետություն։ Աէրտալի լավագույն բնորոշումներից է նրա նվազագույնի հասցված կողմնակի ազդեցություննները. շատ կարևոր է, որ բացասական ազդեցություն չի թողնում աղե-ստամոքսային տրակտի վրա, նաև կենսական անհրաժեշտության օրգանի` լյարդի վրա: Ելնելով այս փաստերից՝ դեղամիջոցը կարելի է նշանակել երկարատև բուժում պահանջվող դեպքերում: Առհասարակ, այս դեղամիջոցը լայն կիրառում ունի ինչպես Հայաստանում, այնպես էլ ամբողջ աշխարհում:

–   Բացի նշված դեղամիջոցից, ընկերությունն ունի՞ համարժեք այլ փոխարինողներ` տարբեր ցավային համախտանիշների դեպքում:

–   «Գեդեոն Ռիխտեր»-ն իր դեղացանկում` Աէրտալից զատ, ունի բազմաթիվ դեղամիջոցներ, որոնք մեծ արդյունավետություն և կիրառություն ունեն  ցավային թերապիայում։ Դա բոլոր տեսակի ցավերի դեպքում բժիշկների կողմից լայնորեն նշանակվող հակացավային դեղամիջոցների շարքն է:

Հարցեր, պատասխաններ, մեկնաբանություններ